Осы аптада «Бейнеу–Шымкент газ құбыры» ЖШС Бас директорының бірінші орынбасары Дастан Жексенбайдың газ құбыры өндірістік нысандарына жұмыс сапары өтті.
Жұмыс сапары аясында магистральдық газ құбырының желілік бөлігі, компрессорлық станциялар, газ өлшеу станциясы, жөндеу-пайдалану учаскелері және вахталық қалашықтарда тексеру жүргізілді. Негізгі назар өндірістік қауіпсіздік мәселелеріне, жабдықтардың сенімді әрі үздіксіз жұмыс істеуіне, сондай-ақ өндірістік инфрақұрылымның жағдайына аударылды. Басшылық тарапынан өнеркәсіптік қауіпсіздік деңгейін одан әрі арттыру және нысандарды пайдалану тиімділігін күшейту бойынша міндеттер қойылды. Сонымен қатар нысандарындағы қызметкерлермен кездесулер өткізіліп, республикалық референдумның мәні, еліміздің болашағы үшін белсенді азаматтық ұстаным танытудың маңыздылығы сөзге тиек болды. Бұл ретте қызметкерлерге дауыс беру тәртібі мен дауыс беретін орындар туралы ақпарат берілді.
