ҚазМұнайГаз – командамызға жанкүйер болайық!
2016 жылғы 4-7 қыркүйек аралығында Астана қаласының 6 спорт кешенінде Қазақстан Республикасы Тәуелсіздігінің 25 жылдығына және Мұнай-газ кешені қызметкерлері күніне арналған «ҚазМұнайГаз» ҰК» АҚ компаниялары тобы спартакиадасының финалдық кезеңінің ойындары өткізілуде.
Спартакиаданың бағдарламасына спорттың 9 түрі, оның ішінде мини-футбол, волейбол, баскетбол, шахмат, дойбы мен тоғыз құмалақ, бильярд, үстел теннисі, жүгіру мен аралас эстафета ойындары енгізілген. Спорттық алаңдарға ҚМГ компаниялары тобының 30 ұйымынан 500 қатысушы шығады.
Спартакиаданың бағдарламасы және спорттың барлық түрі бойынша жарыстардың аралық нәтижелері www.kmg.kz – «ҚазМұнайГаз» ҰК» АҚ сайтындағы арнайы айдарда, сондай-ақ әлеуметтік желілердегі ҚМГ парақшаларында онлайн-режимде жаңартылып отырады.
Спорт жарыстары қызу болатыны сөзсіз! Спорт әуесқойларын іс-шараларға қатысуға және «ҚазМұнайГаз» компаниялары тобының Алғашқы біріккен Спартакиадасы қатысушыларына қолдау көрсетуге шақырамыз!