«БЕЙНЕУ-ШЫМКЕНТ ГАЗ ҚҰБЫРЫ» ЖШС 15 ЖЫЛ
Компанияның миссиясы
Қазақстанның оңтүстік өңірлеріне бағытталған табиғи газ құбыры жобасы Қытай мен Қазақстан мемлекет басшыларының стратегиялық басшылығынан бастау алады және екі ел үкіметі арасындағы жоғары деңгейдегі өзара сенімді айғақтайды.
2007 жылдан бастап Қытай мен Қазақстан тарабы Қытай-Қазақстан газ құбырын салу және пайдалану жөніндегі ынтымақтастық туралы келісімге, сондай-ақ бірқатар қосымша хаттамаларға кезең-кезеңімен қол қойып, жобаның құрылысы мен оны пайдаланудың берік институционалдық және стратегиялық негізін қалады.
2011 жылы тепе-теңдік негізде «Бейнеу-Шымкент Газ Құбыры» ЖШС құрылды. 2013 жылы 7 қыркүйекте ҚХР Төрағасы Си Цзиньпин Қазақстандағы Назарбаев Университетінде маңызды баяндама жасап, алғаш рет «Ұлы Жібек жолы экономикалық белдеуі» бастамасын ұсынды. Сол күні екі елдің мемлекет басшысы Қазақстанның оңтүстік өңірлеріне бағытталған табиғи газ құбыры жобасының іске қосу тетігін басып, ауқымды бастаманы нақты жобаға айналдырды.
Кейінгі жылдары жобаны кеңейту және жаңғырту жұмыстары жүргізіліп, 2023 жылы «Бейнеу-Бозой-Шымкент» газ құбырының жылдық тасымалдау қуаты 15 миллиард текше метрге жетті. Он жылдан астам уақыт бойы Қазақстанның оңтүстік өңірлеріне бағытталған табиғи газ құбыры жобасы «бірлесіп кеңесе отырып жоспарлау, бірлесіп салу және нәтижені ортақ пайдалану» қағидаттарын берік ұстанып келеді. Жоба әлеуметтік жауапкершілікті белсенді түрде орындап, жаңа жұмыс орындарын ашуға, акционерлердің инвестициялық табыстылығын қамтамасыз етуге, бірлескен кәсіпорынның тұрақты дамуына және Қытай мен Қазақстан арасындағы газ құбыры саласындағы өзара тиімді ынтымақтастықты тереңдетуге зор үлес қосып жатыр. Құбыр Қазақстанды газбен қамтамасыз ету және Қытайға газ экспорттау сияқты қос стратегиялық функцияны атқаратын, Қазақстан мен Қытай халқына қызмет ететін маңызды энергетикалық артерия болып табылады.
