Қ.И. Сәтбаев атындағы ҚазҰТЗУ КЕАҚ және ҚБТУ АҚ студенттері «Бейнеу-Шымкент газ құбыры» ЖШС өндірістік практикадан өтуде.

«QazaqGaz» ҰК» мен «Қ.И. Сәтбаев атындағы Қазақ Ұлттық Техникалық Зерттеу Университеті» КЕАҚ (бұдан әрі – Қ.И. Сәтбаев атындағы ҚазҰТЗУ), сондай-ақ «Қазақстан–Британ Техникалық Университеті» АҚ (бұдан әрі – ҚБТУ) арасында газ саласы мамандарының білім сапасын арттыру бойынша ынтымақтастығын нығайту және бірлескен қызметті жүзеге асыру үшін 2023 жылғы «30» қаңтар мен «03» наурыз аралығында дуальды оқытудан (өндірістік практикадан) өту туралы шешім қабылданды.



Меморандумды іске асыру шеңберінде «Бейнеу-Шымкент газ құбыры» ЖШС Қ.И. Сәтбаев атындағы ҚазҰТЗУ және ҚБТУ студенттерінің «Бейнеу-Шымкент газ құбыры» ЖШС өндірістік объектісінде практикалық білім мен дағдыларды алуын көздейтін практика мен тағылымдамадан өту үшін 26 студент қабылдады.



Өндірістік практиканы ұйымдастыру «QazaqGaz» ҰК кәсіпорындарында «Мұнай-газ ісі» және «Автоматтандыру және басқару» факультетінің 4-курс студенттері арасында жүзеге асырылады.
Бұл жоба «QazaqGaz» ҰК мен Қ.И. Сәтбаев атындағы ҚазҰТЗУ КЕАҚ, сондай-ақ ҚБТУ АҚ арасындағы серіктестікті жақсартуға және Тараптардың газ саласын жақсарту бойынша ұжымдық қызметін іске асыруға ықпал етеді.