«Бейнеу-Шымкент газ құбыры» ЖШС Бірінші басшының еңбек ұжымымен 2023 жылдың қорытындысы және 2024 жылға арналған жоспарлары туралы есептік кездесуі өтті.

2014 жылдан бастап 2023 жылға дейінгі негізгі өндірістік-экономикалық көрсеткіш: газ тасымалдау 80,724 млрд. м3 құрады, оның ішінде ішкі нарыққа 44,224 млрд. м3, экспортқа 35,737 млрд. м3, транзитке-0,761 газ тасымалданды.
Өткен жылы өндіріске байланысты апаттар, өрттер, жазатайым оқиғалар, «БШГҚ» ЖШС объектілерінде ЖКО болған жоқ. 2023 ж. 12 айында газ құбырын апатсыз пайдалану – 321 423 адам-сағат. 2023 ж. 12 айында компанияның автокөлігінің апатсыз жүрісі – 947 064 км.
«Сексеуіл», «Ақсуат», «Қараөзек» және «Шорнақ» ЖПУ ғимараттарына, құрылыстары мен жабдықтарына кешенді құрылыс-техникалық сараптама аяқталды.
2024 жылға арналған негізгі міндеттер: барлық газ құбыры объектілерінің үздіксіз жұмыс істеуін қамтамасыз ету; «Бейнеу» ГӨС кеңейту бойынша объектіні жеткізуді, салуды және пайдалануға беруді қамтамасыз ету; ЖПУ объектілерінде құрылыстың басталуын қамтамасыз ету; ұзындығы 150,64 км ТБЖ құрылысының басталуын қамтамасыз ету («Бейнеу-Бозой» учаскесі 0-311км”).